Një variant i ri i gripit të shpendëve transmetohet tek njerëzit – A përbën rrezik për epidemi?

Një variant i ri i H5N8 e gripit të shpendëve është zbuluar tek njerëzit për herë të parë, midis shtatë punëtorëve që u infektuan në një fabrikë pulash ruse në dhjetor.

Nuk ka asnjë provë që virusi është transmetuar midis njerëzve, por Rusia ka raportuar në Organizatën Botërore të Shëndetësisë.

Punëtorët tani ndihen mirë dhe “situata nuk u zhvillua më tej”, sipas Dr Anna Popova, kreu i vëzhguesit të shëndetit të konsumatorit Rospotrebnadzor. Ajo tha se punëtorët ishin infektuar gjatë shpërthimit në fabrikë.

Shpërthime të këtij virusi janë raportuar në Rusi, Evropë, Kinë, Lindjen e Mesme dhe Afrikën e Veriut në muajt e fundit, por vetëm tek pulat.

Edhe lloje të tjera të gripit të shpendëve, përfshirë H5N1, H7N9 dhe H9N2, u janë transmetuar njerëzve më parë.

Tipi H5N8 është vdekjeprurës për zogjtë, dhe kjo shënon transmetimin e parë të llojit nga kafshët te njerëzit. Ndërsa Popova tha se lloji nuk dukej të ishte në gjendje të përhapet mes njerëzve, “vetëm koha do të tregojë se sa shpejt mutacionet e ardhshme do ta lejojnë atë të kapërcejë këtë pengesë”.

D.B – SCAN
Burimi: The Guardian

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.