Një varr 4.000 –vjeçar është zbuluar në Egjipt
Një varr i fshehtë 4.000 –vjeçar është zbuluar në jug të Kajros, sipas Ministrisë së Antikiteteve të Egjiptit. Ministri i Antikiteteve Halid el-Anani tha se varri ishte zbuluar në vendin arkeologjik të Saqqara dhe datonte qysh nga dinastia e 5- të e faraonëve, të cilët sunduan afërsisht 4.400 vjet më parë.
Varri i përkiste një prifti mbretëror të njohur si “Wahtye”, tha al-Anani në një deklaratë. Mbishkrimet sugjeronin që prifti kishte shërbyer gjatë mbretërimit të mbretit Nefer-Ir-Ka-Re dhe ishte mbikëqyrës i mbretit dhe inspektori i anijes së shenjtë.
Al-Anani tha se muret e varrit ishin zbukuruar me një larmi ngjyrash e cila përshkruante Wahtye me nënën, gruan dhe familjen e tij. Kreu i misionit të gërmimit, Mostafa waziri, tha se pikturat e tjera të rralla përfshijnë skena vallëzimi të një majmuni përpara një orkestre apo një kitaristi dhe si dhe plot skena të tjera që përfshijnë muzikë dhe vallëzim, raportoi CNN.
Waziri tha se ekipi i tij kishte arritur të zbulojë varrin gjatë muajit nëntor, por i duheshe mjaft kohë për të hyrë, pasi dyert e saj ishin mbyllur. Gjithashtu, varri përmbante statujat me ngjyrë të gdhendur në shkëmb, duke përfshirë një person në këmbë ose në pozicionin e shkrimtarit, tha Waziri.
“Kjo statujë mund t’i përkasë të ndjerit ose një anëtari të familjes së tij”, tha ai. Drejtori i përgjithshëm i faqes, Sabry Farag, tha se varri ishte rreth 10 metra i gjatë dhe me një bodrum prej 3 metrash të gjerë. Ai gjithashtu përmbante pesë akse varrimi, tha Waziri, i cili do të jetë subjekt i gërmimeve të mëtejshme.
Ada Xhagolli/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.