Një vit nga shpallja e pandemisë. Nga 118,000 raste atëherë, në 116 milionë sot
Një vit ka kaluar që kur Organizata Botërore e Shëndetësisë e deklaroi përhapjen e koronavirusit të ri një pandemi botërore. Pasi deklaroi pandeminë, drejtori i përgjithshëm i organizatës, Tedros Adhanom Gheybreyesus, tha se kishte rreth 118,000 raste në 114 vende dhe 4,291 vdekje.
Tashmë, mbi 116.3 milionë njerëz janë raportuar të infektuar dhe mbi 2.7 mln kanë vdekur, sipas të dhënave të secilit vend. Infeksionet janë raportuar në mbi 210 vende dhe territore që prej rastit të parë të identifikuar në Kinë në Dhjetor 2019. Shtetet e Bashkuara mbajnë numrin më të lartë të vdekjeve prej 523,307, me 16.02 vdekje për 10,000 njerëz.
Vendi ka gjithashtu numrin më të lartë të rasteve të konfirmuara, në rreth 29 milionë. Brazili ndjek me 261,000 vdekje dhe mbi 10 mln raste. Mbretëria e Bashkuar ka numirn më të lartë në Europë, me 124,419 vdekje, ndjekur nga Italia me 99,578.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.