Një vonesë e Brexit – Bashkimi Europian, i gatshëm për ta miratuar

Bashkimi Europian do të ishte gati të miratonte një vonesë të shkurtër të Brexit nëse Britania do të ketë nevojë për më shumë kohë për të siguruar ratifikimin parlamentar të marrëveshjes së largimit.

Udhëheqësit e BE kanë shtyrë gjithnjë e më shumë Kryeministren britanike Theresa May për të zgjatur kohën e negociatave pasi ata nuk shohin shumicë në parlamentin e ndarë, për të miratuar marrëveshjen e Brexit dhe duan të shmangin problemet që do të vinin nga një largim i papritur. May tha se mund të kishte një vonesë të vogël të Brexit duke marrë kështu përgjigje pozitive nga Brukseli.

“Nëse ketë një kërkesë për të vonuar edhe pak Brexit ajo do të konsiderohet e favorshme” -tha një zyrtar i lartë i BE. “Ne nuk kemi parë një kërkesë ende, por një zgjatje prej disa muajsh do të ishte relativisht e drejtpërdrejtë.” Zyrtarët e BE dhe Britania e Madhe po vazhdojnë bisedimet në Bruksel për t’i dhënë Britanisë më shumë siguri mbi marrëveshjen dhe ta bëjnë të pranueshme për Dhomën e Komuniteteve.

Komisioni ekzekutiv i BE ka thënë se është duke u bërë përparim dhe se kjo punë duhet të përfundojë në kohë për një samit të 21-22 marsit, kur liderët kombëtarë të bllokut që u takuan në Bruksel do të mund të mbështesin çdo ndryshim të marrëveshjes së Brexit.

Çdo zgjatje e datës zyrtare duhet të miratohet nga 27 udhëheqësit e tjerë të BE dhe duhet të ketë një kufi të qartë për çdo vonesë. Parlamenti i ri i BE do të fillojë mbledhjen nga fillimi i korrikut, që do të thotë se çdo vonesë tjetër e Brexit pas fundit të qershorit do të kërkonte edhe prezencën e Britanisë në zgjedhje.

Burimi:Reuters

E.T/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.