Njerëzit e rinj po kursejnë më shumë për moshën e pensionit, se ata të gjeneratës më të vjetër
Njerëzit e rinj po kursejnë më shumë se gjeneratat e mëparshme, sipas një studimi, duke ndryshuar kështu trendin historik, i cili i shihte njerëzit e rritur të vinin më shumë para mënjanë drejt pensionimit të tyre.
Ky ishte zbulimi marramendës i një sondazhi global i më shumë se 25 mijë investitorëve përreth 32 shteteve, nga menaxheri i aseteve “Schroders”.
Studimi zbuloi se njerëzit e moshës midis 18 dhe 37 vjeç – përkatësisht Gjenerata Z dhe “Millenialët” – janë duke kursyer mbi 16% të ardhurave vjetore për moshën e daljes në pension.
Ndërkohë, ata të moshës 38-70 vjeç, që përfshijnë Gjeneratën X dhe ata të “Baby Boomers”, janë duke vënë mënjanë rreth 14-15% të fitimeve të tyre.
Investitorët e rinj ishin gjithashtu më të predispozuar të bindeshin se do të rrisnin shumën e kursimeve të tyre me 97% në krahasim me 82% të atyre në moshën 51-70.
Kjo ishte përkundër faktit se të rinjtë paraqitën nivele të barabarta ose edhe pak më të larta të impulsivitetit se brezat e vjetër, kur erdhi tek tundimi për të shpenzuar për diçka personale.
Sidoqoftë, Gjenerata Z dhe “Millenialët” treguan nivele më të larta të ankthit kur mendonin se si të kursenin, me 12% që thoshin se këto shqetësime i çuan ata të pushonin së menduari ose të mos bënin asgjë për lekët e kursyera. Kjo qëndroi me shifrat nga 7-10% për brezat e vjetër.
“Schroders” sugjeroi që niveli më i madh i angazhimit të të rinjve me kursimin për jetën e mëvonshme ishte një shenjë që njerëzit më në fund po merrnin mesazhin për rëndësinë e vendosjes së parave tutje për pensionin.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.