Njeriu me i pasur në botë investon 1.7 miliard $ në sistemin arsimor
Bill Gates, i cili zotëron 87,7 miliard dollar, njoftoi të enjten planet e fondacionit të tij për të investuar 1.7 miliard dollar në arsimin publik, raportoi Washington Post.
“Roli i filantropisë këtu nuk është të jetë financuesi kryesor, por të financojë pilotët, të financojë ide të reja në mënyrë që njerëzit të vijnë gjithnjë me ide”, tha Gates në një fjalim.
Fondacioni Bill dhe Melinda Gates kanë investuar të paktën rreth 3,4 miliardë dollar për këtë kauzë në Shtetet e Bashkuara, veçanërisht në Zhvillimin e Standardeve të Përbashkëta të shtetit dhe për të bindur udhëheqësit e arsimit shtetëror për t’i zbatuar ato .
Paratë e tij gjithashtu shkuan për të mbështetur, programet e përgatitjes së mësuesve dhe një sërë iniciativash të tjera përmirësuese, duke përfshirë një për të ndarë shkollat e mesme të mëdha në më të vogla.
Në qershor, Gates bëri donacionin e tij më të madh që nga viti 2000, rreth 4.6 miliardë dollar në vlerë aksionesh te Microsoft.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.