Njoftim për fluturimet në 13-15 mars! Konfirmoni me Policinë lëvizjet, lejohet vetëm një familjar

Autoriteti i Aviacionit Civil dhe Policia e Shtetit lajmërojnë të gjithë pasagjerët që duan të fluturojnë në datë 13 – 15 mars nga  aeroporti “Nënë Tereza” se duhet të marrin parasysh disa masa.

Fluturimet drejt destinacioneve italiane janë tashmë të gjitha të pezulluara, ndërkohë për vendet e tjera të gjithë udhëtarët duhet të kenë biletën e tyre gati të printuar ose me foto.

“Bileta si evidencë e udhëtimit është e domosdoshme nëse do doni të kapni fluturimin tuaj. Gjithashtu, në kushtet e kufizimit të qarkullimit, lejojini kohë shtesë vetes për të kapur fluturimin tuaj.” – shprehet AAC në njoftim.

Gjithashtu shumë e rëndësishme sipas Aviacionit Civili lejohet vetëm një familjar që mund të shoqërojë për në aeroport dhe jo më shumë pasi Policia e Shtetit do t’I ndalojë.

Policia e Shtetit, lajmëron se të gjithë qytetarët të cilët mund të përdorin aeroportin e Rinasit, duhet fillimisht të konfirmojnë pranë sallave operative nëpërmjet numrit 112 ose 129, orarin e lëvizjes në drejtim të Rinasit, linjën e fluturimit, si dhe kohën e lëvizjes.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.