Njoftim për pacientët me sëmundje kronike. Mos vizitoni spitalet, Ministria vë linjën në dispozicion

Një urdhër i ri ka dalë nga Ministria e Shëndetësisë për të gjithë pacientët me sëmundje kronike, të cilët trajtohen me receta periodike me rimbursim.

Për të kufizuar lëvizjen e tyre, Ministria ka vënë në dispozicion 8659 profesionistë shëndetësorë, që recetën ta bëjnë nëpërmjet një sistemi të dedikuar online dhe në këtë mënyrë t’i dërgohet automatikisht me mesazh pacientit.

Më pas, pacienti mund të paraqitet në farmaci për të marrë ilaçet e nevojshme. Nëse gjendja e tij nuk paraqitet e mirë, pacienti, pas konfirmimit të mjekut, mund të bëjë vizitën në Qendrën Shëndetësore ose një mjek i specializuar mund të vijë në shtëpinë e tij.

Njoftimi i plotë:

• Një skuadër me 8659 profesionistë shëndetësor në Kujdesin Parësor janë në gadishmëri për t’ju shërbyer

• Në të gjitha rastet e mundshme, mjeku do të kontaktojë me telefon me pacientët kronikë ose të afërm të tyre
• Në rastet kur mjeku e gjykon që pacienti është i stabilizuar me mjekimin aktual, udhëzon pacientin të mos paraqitet në ambjentet e Qendrës Shëndetësore
• Mjeku gjeneron recetën përkatëse në sistemin e recetës elektronike, eRx, dhe i komunikon pacientit kodin e recetës, me të cilin pacienti paraqitet në farmaci
• Në rastet e patologjive akute, patologjive të reja kronike etj, mjeku realizon vizitën në Qendrën Shëndetësore ose pranë banesës së pacientit
• Në rastet e prezencës së pacientëve pranë institucioneve shëndetësore publike duhet të respektohet në mënyrë rigoroze perimetri i sigurisë dhe distanca midis pacientëve dhe ofruesve të shërbimit, jo më pak se 1.5m distancë

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.