Njoftimi mbi procesin e kolaudimit të automjeteve – Rama: Në 15 ditët e para janë testuar 15,167 mjete
Nëpërmjet një njoftimi të publikuar në faqen zyrtare, kryeministri Edi Rama ka njoftuar mbi procesin e kolaudimit të automjeteve.
Rama ka njoftuar se nga rinisja e shërbimit të kontrollit teknik, tagër tashmë ekskluziv i DPSHTRR, (në 15 ditët e para) janë testuar 15,167 mjete nga të cilat:
10,063 Automjete (4 deri 8+1) (66%)
1,156 Autobusa (8%)
3,179 Kamiona (21%)
617 Rimorkio (4%)
120 Motomjete (0.8%)
32 Mjete Ndërtimi/Punimi Toke (0.2%)
3,454 mjete ose 23% e totalit të mjeteve janë ngelur/refuzuar!
2,607 (75.4%) Mjete janë ritestuar pas riparimeve dhe plotësimit të normave!
667 (19.4%) Mjete të ngelura, u ndalohet qarkullimi dhe priten për t’u riparaqitur në testim pas riparimeve!
180 (5.2%) Mjete të refuzuara, u ndalohet qarkullimi (xhama të dëmtuar, goma të tejkonsumuara, defekte të rënda në sisteme, pamje e jashtme jo e rregullt)!
DPSHTRR këshillon qytetarët që të riparojnë në afatet ligjore mjetet rrugore dhe të kontrollojnë mjetin përpara çdo udhëtimi!
Kodi rrugor, neni 71, pika 5 dhe neni 78, pika 4 ju bëjnë direkt përgjegjës nëse dilni në qarkullim me mjet rrugor me mangësi teknike ose funksionale! Penalizimet do të jenë: masa, gjoba, pezullim licensash dhe deri dalje e përhershme e mjetit nga qarkullimi, njofton Rama.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.