Nju Jork hap së shpejti ”kuvertën”- më e larta e vëzhgimit të natyrës në hemisferën perëndimore!
Nju Jork do të hapë së shpejti ‘’kuvertën’’ më të lartë të vëzhgimit të natyrës në hemisferën perëndimore. Projekti është quajtur ‘Edge’ dhe do të hapet vitin e ardhshëm, i cili do të ofrojë një pamje të mrekullueshme të horizontit të qytetit.
Duke qëndruar në më shumë se 1.100 metra lartësi, ‘’Edge’’ do të jetë kuverta më e lartë e soditjes së natyrës në hemisferën perëndimore dhe e pesta më e lartë në botë. Ndërkohë që data e nisjes nuk është shpallur akoma, rezervimet e grupeve janë hapur për tremujorin e parë të vitit 2020.
“Edge fton vizitorët të dalin në qiell dhe të përqafojnë pamjet mahnitëse që ofron Nju Jorku si kurrë më parë,” thotë Jason Horkin, drejtor ekzekutiv i Hudson Yards Experiences.
Hudson Yards, aty ku do të jetë dhe ‘Edge’’ me një dizajn strukturor unik, është projekti më i madh ndonjëherë i ndërtuar në mënyrë private në SHBA, me një kosto prej rreth 28 miliardë dollarësh. Ky projekt do të vërë në dispozicion 10.000 metra katrorë, për bare dhe restorante dhe gjithashtu do të përfshijë më shumë se 100 dyqane.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.