Norvegjia e sigurt: Nuk ka lidhje midis vaksinës dhe vdekjeve të të moshuarve që u vaksinuan kundër Covid
Autoritetet shëndetësore në Norvegji thonë se nuk ka prova të një lidhjeje të drejtpërdrejtë midis vdekjeve të moshuarve të vaksinuar kundër Covid-19 dhe vaksinës që ata morën.
Agjencia Norvegjeze e Barnave po kërkon të adresojë frikën se marrja e vaksinës mund të jetë shumë e rrezikshme, pasi 33 persona të moshës 75 vjeç e lart vdiqën pas imunizimit, sipas shifrave të fundit të agjencisë. Të gjithë ishin të sëmurë rëndë, thuhej në raport.
“Është e qartë, Covid-19 është shumë më e rrezikshme për shumicën e pacientëve sesa vaksinimi,” tha Steinar Madsen, drejtor mjekësor në Agjencinë Norvegjeze të Barnave, të hënën. “Ne nuk jemi të alarmuar.”
Raportet fillestare nga Norvegjia u bënë tituj ndërkombëtarë ndërsa bota kërkon shenja të hershme të efekteve anësore të mundshme nga vaksinat. Deri të Premten, Norvegjia kishte përdorur vetëm vaksinën e siguruar nga Pfizer Inc. dhe BioNTech SE dhe kompanitë tani po punojnë me vendin nordik për të analizuar vdekjet. Raporti i parë i sigurisë në mbarë Evropën për vaksinën Pfizer-BioNTech pritet të publikohet në fund të Janarit.
D.B – SCAN
Burimi: Bloomberg
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.