Nuk ndalet lufta tregtare – Trump pritet të njoftojë 25% tarifa në $200 mld mallra kinezë
Administrata e Donald Trump planifikon të vendosë 25% tarifa ndaj 200 miliardë dollarë mallra të importit nga Kina, pas barrierave fillestare prej 10% ndaj këtyre, në përpjekje për t’i bërë presion Pekinit që të lehtësojë qasjen ndaj tregtisë.
Ndër mallrat e propozuara përfshihen produktet ushqimore, kimikatet, çeliku, alumini dhe mallra konsumatore të tjera. Ndërkohë që tarifat nuk do të vendosen derisa sa të lajmërohen publikisht, rritja e tyre në 25% do t’i jepte vrull konflikteve tregtare mes 2 ekonomive më të mëdha në botë. Sipas burimeve, administrata e Trump mund të lajmërojë publikisht këto barriera brenda javës.
Investitorët shqetësohen se përshpejtimi i luftës tregtare mes 2 vendeve mund të frenojnë rritjen ekonomike globale dhe grupet e biznesit në SHBA kanë fajësuar Trump për lëvizjet e tij. Sekretari i Thesarit Steven Mnuchin dhe Zv/Kryeministri kinez, Liu He kanë biseduar në mënyrë private, ndërkohë që po përpiqen që të rinisin negociatat.
Më herët gjatë Korrikut, Qeveria amerikane vendosi tarifa prej 25% nda 34 miliardë dollarë mallra kinezë të importit. Pekini u kundërpërgjigj me të njëjtën sasi, për eksportet e SHBA në Kinë.
Lista prej 200 miliardë dollarë do të kishte një ndikim më të madh te konsumatorët se raundi i mëparshëm i barrierave. Trump ka thënë se do të vendosë tarifat si ndëshkim për kundërpërgjigjen kineze ndaj masave fillestare, që synonin presion ndaj Kinës për transferimin e detyrueshëm të teknologjisë dhe politika të tjera të padrejta.
KLevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.