Nuk respektuan masat e sigurisë anti-Covid, pezullohet aktiviteti në 3 subjekte! Në 24 orë u realizuan mbi 1400 inspektime e monitorime

Task- Forca Anti-COVID ka vijuar punën në terren me masa të shtuara. Ministria e Shëndetësisë njofton se në 24 orët e fundit janë realizuar mbi 1400 inspektime dhe monitorime dhe janë marrë 3 masa administrative për pezullim aktiviteti në subjekte.

“Në total gjatë kësaj periudhe (të epidemisë) janë kryer mbi 144 mijë inspektime dhe monitorime janë marrë 560 masa administrative me gjobë dhe pezullime aktiviteti për subjekte të gjetura në shkelje të protokolleve dhe rregullave për parandalimin e #SARSCOV2” njofton Ministria.

Ministria e Shëndetësisë u kërkon bizneseve të zbatojnë me korrektësi protokollet e sigurisë në punë dhe qytetarët të tregohen të kujdesshëm, duke respektuar distancimin social, masat e higjenës dhe vendimin për maskën e detyrueshme në ambientet e mbyllura.

Çdo shkelje, sipas MSH-së, do të konsiderohet me rrezik për shëndetin e qytetarëve dhe si e tillë do të ndëshkohet sipas ligjeve në fuqi.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.