Numër i lartë ankimimesh – Më 31 dhjetor, 349 padi në gjykata kundër administratës tatimore
Viti që sapo lamë pas është mbyllur me një numër shumë të madh procesesh gjyqësore kundër administratës tatimore.
TV Scan ka zbardhur të dhënat zyrtare të proceseve gjyqësore kundër tatimeve. Në total, më 31 dhjetor, numri i subjekteve që gjenden në procese gjyqësore me tatimet ishte 349.
Bie në sy numri shumë i lartë numri i bizneseve të mëdha që kanë ngritur padi ndaj Drejtorisë së tatimpaguesve VIP. Numri i tyre është rreth 60 dhe në listë janë të përfshira disa prej kompanive me mjaft peshë në jetën ekonomike të vendit.
Ato i kërkojnë Gjykatës shfuqizimin e gjobave të kripura prej miliona lekëve, apo rimbursimin e detyrimeve të vjelura pa të drejtë nga tatimet.
Ndërkaq, së fundmi drejtoria e hetimit tatimor bëri me dije se ka dërguar në prokurori 54 subjekte tregtare dhe 72 persona për skema mashtrimi me TVSH-në, fshehje të ardhurash apo mosshlyerje detyrimesh.
Dëmi financiar i shkaktuar si pasojë e këtyre veprave penale përllogaritet në vlerën 40 milionë dollarë.
L.R/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.