Numri i trazirave civile në botë do rritet në mënyrë “të frikshme” gjatë 2020-ës, konstaton ky studim
Pothuajse një e katërta e vendeve të botës dëshmuan rritje të protestave dhe trazirave vitin e kaluar dhe kjo shifër do të rritet më tej në vitin 2020, sipas një studimi të ri.
Ka 195 vende në botë, nëse përfshihen Vatikani dhe Palestina, dhe një indeks i sapohapur i trazirave civile ka pretenduar se 47 nga ato shtete dëshmuan një rritje të trazirave civile në vitin 2019.
Modeli i të dhënave, botuar të enjten nga firma e analizave socio-ekonomike dhe politike “Verisk Maplecroft”, gjithashtu ka parashikuar që në vitin 2020, numri do të rritet në 75 vende.
Konsulenca e Sh.B.A-së identifikoi Hong Kongun dhe Kilin si dy pikat kryesore që vuajnë nga rritjet më të mëdha të trazirave që nga fillimi i vitit 2019. Asnjë vend nuk pritet të gjejë paqe për të paktën dy vjet, sipas hulumtimit.
Zonat e tjera që konsiderohen vatër të protestës civile përfshijnë Nigerinë, Libaninë dhe Bolivinë. Përtej këtyre tre vendeve, vendet që futen në një kategori të etiketuar “rreziku ekstrem” përfshijnë Etiopinë, Indinë, Pakistanin dhe Zimbabve.
Që nga lëshimi i mëparshëm i indeksit, Sudani ka kapërcyer Jemenin për t’u bërë vendi me rrezik më të lartë në nivel global.
Sudani është mbyllur në krizë që kur sundimtari Omar al-Bashir u rrëzua në prill. Vendi ka qenë i rrethuar nga protesta dhe vrasje ndërsa forcat ushtarake luftojnë përkrahësit e demokracisë për të kontrolluar vendin.
Konflikti në Jemen ka filluar nga viti 2015 ndërsa forcat muslimane shiite dhe sunite luftojnë për pushtet.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.