Numri i vizitorëve në Berat – Rritet me më shumë se 20% në dy muajt e parë të vitit
Numri i vizitorëve në Berat është rritur me më shumë së 20 për qind në dy muajt e parë të vitit, krahasuar me të njëjtën periudhë të një viti më parë. Në vitin 2017 në muajt Janar dhe Shkurt numri i vizitorëve ka arritur në 1225, ndërsa këtë vit 1471 vizitorë.
“Edhe pse janë dy muajt e parë të vitit kur zakonisht fluksi i vizitorëve është i ulët, por të shoqëruar me një mot jo e favorshëm, në Qendrën Kombëtare të Muzeve, Berat në Muzeun Kombëtar Ikonografik Onufri dhe në Muzeun Etnografik vazhdon të kemi vizitueshmëri të admirueshëm që në krahasim me të njëjtën periudhe të vitit të kaluar është rritur më shume se 20%”, thuhet në njoftimin e Qendrës Kombëtare të Muzeumeve në Berat.
Sipas QKM, kjo rritje është një “sinjal kuptimplotë që në muajt në vazhdim do të kemi një fluks shumë më të madh vizitorësh, veçanërisht të vizitorëve të huaj”.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.