Nxirren anijet e mbytura të Shëngjinit dhe Vlorës! Hapet tenderi për fazën e parë
Ministria e Bujqësisë ka hapur tenderin për projektin “Nxjerrja dhe zhvendosja e anijeve të mbytura dhe anijeve mbi bankina të cilat janë jashtë përdorimit në Portet e Peshkimit Vlorë dhe Shëngjin”(Faza e parë).
Fondi limit është 3 milionë e 550 mijë lekë ndërsa afati për aplikimet është shtator 2020.
Projekti parashikon nxjerrjen e 5 anijeve të mbytura në Portin e Peshkimit të Vlorës dhe 3 anije të mbytura në Portin e Peshkimit të Shëngjinit.
Nga vëzhgimet e kryera në terren nisur nga vendndodhja, pesha dhe thellësia e mbytjes u arrit në konkluzionin se, heqja e anijeve të mbytura të bëhet në dy mënyra, nga deti dhe nga toka.
Nga toka të bëhet heqja e anijes “Xheorxhina” dhe anijes “Valentino” në Porti e Peshkimit Vlorë dhe anije “Kolombo” në Portin e Peshkimit Shëngjin.
Për nxjerrjen e anijeve nga toka tyre do të përdoren 2 vinça toke 45 ton si dhe mjete transporti trajler deri 45 ton.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.