Nxitja e zhvillimit të turizmit të qëndrueshëm, hapen aplikimet për fondet e BE-së
Ministria e Financave dhe Ekonomisë, në bashkëpunim me Projektin e Asistencës Teknike të BE-së për Programet Europiane në Shqipëri dhe Ministrinë për Europën organizuan një sesion të gjerë informimi mbi thirrjen për propozime ‘Nxitja e zhvillimit të turizmit të qëndrueshëm dhe kapacitetet e SME-ve që punojnë në këtë fushë” në kuadër të programit COSME të Bashkimit Evropian.
Pjesë e këtij takimi ishin dhe përfaqësues nga AIDA, ku bënë një prezantim të Rrjetit Evropian të Ndërmarrjeve.
Shqipëria merr pjesë me të drejta të plota në këtë program, dhe çdo shqiptar, mund të aplikojnë në këtë thirrje si lider apo partnerë. Thirrja ka karakter transnacional dhe grupet e aplikuesve duhet të përbëhet nga minimumi 5 dhe maksimumi 10 partnerë. Afati i aplikimit është data 24 tetor 2019.
“Në Shqipëri operojnë në fushën e turizmit, përfaqësues të Dhomave të Tregtisë në nivel kombëtar dhe vendor, përfaqësues të komunitetit të biznesit dhe shoqatave që kanë në fokus të punës së tyre turizmin, përfaqësues të sistemit bankar, të Këshillave të Qarqeve”, njoftoi AIDA.
Ekspertët e projektit të Asistencës Teknike ofruan një informacion të detajuar në lidhje me këtë thirrje, si dhe dhanë udhëzimet përkatëse që duhen pasur parasysh nga ana e aplikantëve gjatë procesit të aplikimit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.