Objektivat ekonomikë në Rusi – Putin kërkon një normë të rritjes që kërcënon stabilitetin makroekonomik
Presidenti rus Vladimir Putin ka caktuar objektiva ambiciozë për ekonominë, por vendi nuk duhet të sakrifikojë stabilitetin makroekonomik për t’i arritur, shprehet guvernatorja e Bankës Qendrore.
“Presidenti na ka caktuar objektiv ku ekonomia ruse do të rritet me norma sipër niveleve globale, në rreth 4%”, tha Elvira Nabiullina.
Sipas saj, kjo kërkon një rritje të potencialin ekonomik, reforma strukturore dhe rritje të investimeve private. Guvernatorja e bankës qendrore, që ka thënë se në të ardhmen e afërt rritja ekonomike pritet të jetë në segmentin 1.5-2%, mendon se ekonomia e Rusisë është rimëkëmbur.
“Ekonomia ka dalë nga recesioni dhe po rimëkëmbet, duke arritur në norma të rritjes pranë nivelit potencial”, tha ajo.
Megjithatë, paralajmëroi se normat më të larta të rritjes ekonomike duhet të ndiqen nga reforma strukturore dhe shtoi se rritja ekonomike nuk duhet të përkeqësojë stabilitetit makroekonomik, inflacionit e ulët dhe deficitin e balancuar buxhetor. Qëllimi i Putin për një rritje më të lartë vjen në një kohë të vështirë për Rusinë në aspektin politik dhe ekonomik.
Ekonomia e vendit është rritur me 1.5% në vitin 2017, pas 2 vitesh të recesionit, por është ende e varur nga eksportet e naftës dhe gazit.
Në frontin politik, Rusia është ende subjekt i sanksioneve ndërkombëtare për aneksimin e Krimesë, mbështetjen e regjimit të Bashar Al Assad në Siri, sulmin e agjentit rus në Mbretërinë e Bashkuar dhe ndërhyrjen në zgjedhjet e Shteteve të Bashkuara.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.