Objektivi i Shqipërisë për energjinë, në 2020 “pesha”e burimeve të rinovueshme rritet në 38%
Ligji i ri për nxitjen e përdorimit të energjisë nga burimet e rinovueshme tashmë është publikuar në Fletoren Zyrtare, duke kaluar hallkën e fundit për të marrë fuqinë ligjore. Qëllimi i këtij ligji është që të nxitë rritjen e prodhimit të energjisë prej burimeve të rinovueshme për të siguruar një zhvillim të qëndrueshëm në Republikën e Shqipërisë, në përputhje me detyrimet në kuadër të Traktatit të Komunitetit të Energjisë. Krahas përcaktimeve të tjera, ligji përmban edhe objektivat kombëtarë të detyrueshëm për kontributin e burimeve të rinovueshme në konsumin përfundimtar bruto të energjisë. Referuar tabelës që shoqëron ligjin, objektivi i përgjithshëm i Shqipërisë për energjinë nga burimet e rinovueshme të energjisë në konsumin përfundimtar bruto të energjisë është 38 për qind në vitin 2020. “Energjia nga burimet e rinovueshme” është energjia nga burime të rinovueshme jofosile, konkretisht era, dielli, energjia aerotermike, energjia gjeotermike, energjia hidrotermike dhe energjia e oqeaneve, energjia hidrike, biomasa, gazi i grumbulluar në landfille, gazi, që grumbullohet nga trajtimi i ujërave të zeza dhe biogazet
Pjesa e energjisë së rinovueshme të Shqipërisë në vitin 2009 = 31,2 %
Mesatarja për 2011-2012 =32,6 %
Mesatarja për 2013-2014 = 33,2 %
Mesatarja për 2015-2016 =34,3 %
Mesatarja për 2017-2018 =35,6 %
Objektivi për energjinë e rinovueshme të Shqipërisë në vitin 2020= 38 %
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.