OBSH bën prapa kthehu – “Ka gjasa për transmetim të virusit nga ajri. Duhen patjetër kërkime”
Organizata Botërore e Shëndetësisë (OBSH) ka bërë apel për më shumë kërkime në lidhje me mundësinë e infektimit nga sars-cov-2 nga ajri, pra qëndrimit në ajër të virusit. OBSH e ka mohuar vazhdimisht këto muaj këtë mundësi duke deklaruar se spërklat e lëshuara nga njeriu janë mënyra kryesore e infektimit. “Ka mundësi që të ketë grimca aerosoli me veti specifike, sidomos në ambientet e mbyllura dhe të mbipopulluara, ku ka ventilim të dobët dhe ku njerëzit kalojnë periudha të gjata kohe.
Ne kemi vënë re shpërthime nëpër këto ambiente të mbyllura me shumë njerëz dhe ventilim të dobët, si klubet e naftës, korin, qëndrat e fitnesit, etj, ku transmetimi nëpërmjet ajrit është i mundur. Ne kërkojmë më shumë studime sistematike mbi këtë gjë. Nuk ka të bëjë vetëm me ku dhe kur transmetohet virusi, por edhe me rrethanat në të cilat ndodh transmetimi”-deklaroi Maria Van Kerkhove, drejtuese e departamentit të përgjigjes ndaj Covid-19 brenda Organizatës Botërore të Shëndetësisë. Ajo shtoi se mund të ekzistojnë edhe mënyra të tjera infektimi, ende të paidentifikuara.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.