OBSH del zyrtarisht kundër ilaçit remdesivir – Trump më përpara e kishte quajtur “shërues të Covid”

OBSH ka lëshuar një rekomandim kundër përdorimit të remdesivir në pacientët e shtruar në spital nga Covid, pavarësisht nga ashpërsia e sëmundjes, pasi aktualisht nuk ka asnjë provë që remdesivir përmirëson shanset për mbijetesë dhe rezultatet e tjera në pacientët me koronavirus. Më herët presidenti Trump ka referuar në publik se remesivir ishte një ilaç që shëronte Covid.

Ky rekomandim, i lëshuar më 20 nëntor, është pjesë e një udhëzimi për kujdesin klinik ndaj COVID-19.

Udhëzimet janë një risi, që përputhet me standardet shkencore me shpejtësinë e kërkuar për t’iu përgjigjur një pandemie të vazhdueshme. Evidencat nuk sugjeruan asnjë efekt të rëndësishëm në vdekshmëri, nevojë për intubim, kohë për përmirësim klinik dhe rezultate të tjera të rëndësishme për pacientin.

Grupi i zhvillimit të udhëzimeve njohu gjithsesi domosdoshmërinë për më shumë hulumtim, veçanërisht për të siguruar më shumë prova karshi grupesh specifike të pacientëve.

D.B – SCAN

Burimi: who.int

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.