OBSH do blejë pilula të Covid për 10 USD – Dokumenti sugjeron Merck ndër të tjera, që kushton 700 USD për trajtim
Programi i Organizatës Botërore të Shëndetësisë, që ofron akses të barabartë të vaksinave, synon të sigurojë ilaçe antivirale për pacientët me simptoma të lehta për gati 10 dollarë për trajtim. Ilaçi eksperimental i Merck, molnupiravir, ka gjasa të jetë një ndër këto ilaçe, si dhe barna të tjera që po zhvillohen për të trajtuar pacientët me sëmundje të lehtë.
Një dokument i parë nga Reuters, që paraqet objektivat e programit deri në Shtator 2022, thekson se Organizata kërkon të dërgojë rreth 1 miliardë teste të Covid tek vendet e varfëra dhe të prodhojë barna për të trajtuar deri në 120 milionë pacientë në botë, nga 200 milionë raste të reja që prej n 12 muajt e fundit. Planet vënë në dukje se si OBSH kërkon të shtojë furnizimet e ilaçeve dhe testimeve me çmimi të ulët, pasi humbi garën e vaksinave me vendet e pasura, që thithën pjesën më të madhe të ofertës botërore, duke lënë të varfrit pa vaksina.
Programi i kërkon G20 dhe dhurues të tjerë që të ofrojnë financim prej 22.8 miliardë dollarë deri në Shtator 2022, që do të nevojitet për të blerë dhe shpërndarë vaksina, dhe teste tek vendet e varfra. Dhuruesit kanë premtuar deri më tani 18.5 miliardë dollarë tek programi. Dokumenti, përveçse nuk përmend molnupiravir, thekson se pret të paguajë 10 dollarë për trajtim për “antiviralë të rinj në formë pilule për pacientët me sëmundje të lehtë e të mesme”.
Pilula të tjera për pacientët e lehtë po zhvillohen, por molnupiravir është i vetmi që ka treguar deri më tani rezultate pozitive. Çmimi është tejet i ulët nëse krahasohet me 700 dollarë për trajtim që ka rënë dakord qeveria e SHBA për 1.7 milionë kurse të trajtimeve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.