OBSH kritikon mbajtjen stok të vaksinave – Vaksinimi i ulët në vendet e varfra, shkak për krijimin e varianteve të reja

Organizata Botërore e Shëndetësisë paralajmëroi vendet e pasura kundër mbajtjes stok të vaksinave për dozat nxitëse, ndërkohë që përpiqen të luftojnë variantin e ri Omicron, pasi kërcënojnë furnizimet në vendet e varfra. Drejtori i Përgjithshëm i Organizatës, Tedros Adhanom Ghebreyesus, tha se bota nuk pritet të arrijë objektivat e vaksinimit dhe se Omicron ilustron situatën e rrezikshme ku ndodhet bota.

“Pavarësisht përpjekjeve tona më të mira në 1 vit pas nisjes së fushatës botërore të vaksinimit, vendet me të arhdura të ulëta kanë mbetur mbrapa”- tha ai.  Shumë vende perëndimore kanë prezantuar dozat përforcuese, duke shënjestruar të moshuarit dhe njerëzit me probleme shëndetësore, por shqetsimet mbi variantin Omicron, kanë bërë që programet të zgjerohen edhe në grupe të tjera.  OBSH i ka rekomanduar dozat nxitëse për ata me probleme shëndetësore.  Efektshmëria e vaksinave aktuale kundër variantit Omicron nuk ësthë ende e qartë.

Ato kanë treguar deri më tani sukses në ngadalëismin e përhapjes së koronavirusit dhe ashpërsinë e sëmundjes,  dhe normat e ulëta të vaksinimit përbëjnë rrezik të krijimit të varianteve të reja më rezistent ndaj vaksinave. Drejtori i emergjencave i Organziatës, Mike Ryan, tha se Omicron duket se është më i shpejtë në përhapje, por jo i pamposhtur.

Omicron u zbulua fillimisht në Afrikën e Jugut dhe i gjithë kontinenti përbën 46% të rasteve të raportuara në botë sipas OBSH.  Të dhënat fillestare nga Afrika e Jugut tregojnë se më pak se 1/3 e pacientëve të shtruar në spital gjatë valës së fundit të lidhur me Omicron vuajnë nga sëmundja e ashpër, krahasuar me 2/3 në valët e mëparshme. Vetëm 7.5% e mbi 1 miliardë njerëz në Afrikë kanë marrë vaksinat fillestare.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.