OBSH lavdëron Kinën – Ka dorëzuar të dhënat për vaksinat e Covid-19 për vlerësim
Organizata Botërore e Shëndetësisë ka lavdëruar Kinën për ofrimin e të dhënave mbi vaksinat për procedurën e Listimit për Përdorim Emergjent. Ekzistojnë 2 vaksina të prodhuara në Kinë, një nga Sinopharm dhe tjetra nga Sinovac, që po vlerësohen nga Organizata Botërore e Shëndetësisë, sipas Katherinë O’Brine, drejtore e departamentit të Imunizimit tek Organizata.
Megjithatë, ajo shtoi se të dhënat e vaksinave janë dorëzuar tek OBSH, por inspektorët në terren ndodhen ende në karantinë, dhe po presin të shkojnë tek qendra e prodhimit për ta vlerësuar. Sipas dosjeve të fundit të Organizatës, vaksina e Sinopharm ndodhet tashmë në progres të vlerësimit, ndërsa Sinovac ka dorëzuar të dhënat e vaksinës për inspektim në mes të Janarit.
Vendimet e Organizatës mbi të dy vaksinat priten në muajin Mars. Kina ka kontribuar në luftën kundër pandemisë në botë, ndërkohë që po përpiqet t’i kthejë vaksinat në një të mirë publike botërore.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.