OBSH mbështet dozat nxitëse – Tedros: Por, vetëm nëse shpërndarja e tyre është e barabartë
Dozat nxitëe të vaksinës mund të luajnë një rol në frenimin e përhapjes së koronavirusit për sa kohë që njerëzit me më shumë nevojë ndaj imunizimit marrin gjithashtu vaksina, sipas shefit të Organziatës Botërore të Shëndetësisë. Tedros Adhanom Ghebreyesus, tha se shfaqja e variantit Omicron ka bërë që shumë vende t’i japin vrull programit të dozave nxitëse për të gjithië popullsinë e rritur, pavarësisht se hulumtuesve i mungojnë të dhënat për efektshmëri të këtyre dozave kundër variantit.
Tedros tha se 77 vende kanë raportuar tashmë raste me Omicron dhe me shumë mundësi është i pranishëm në shumicën e vendeve.
Mike Ryan, eksperti i lartë i emergjencave i Organizatës, theksoi se maja e kësaj vale të infeksioneve është ende disa javë larg, duke marrë parasysh përhapjen e shpejtë të Omicron. Ekspertja e vaksinës tek OBSH, Kate O’Brien tha se njerëzit e pavaksinuar duhet të jenë prioritet, ndërkohë që po ushtrojnë presion tek sistemet shëndetësore.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.