OBSH mirëpret progresin e vaksinave. Bën thirrje për shpërndarje të barabartë. Inkurajon sa më shumë vaksina
Drejtori i Përgjithshëm i Organizatës Botërore të Shëndetësisë, Tedros Adhanom Ghebreyesus, tha se ka patur progres në hulumutimin dhe zhvillimin e vaksinës së Covid-19, me lajme pozitive nga provat që kanë sjellë shpresë në luftën kundër pandemisë. Drejtori i Organizatës theksoi se komuniteti ndërkobmëtar duhet të caktojë standarde të reja për aksesin tek vaksina, ndërkohë që shpërndarja e barabartë është urgjente.
“Me lajmet pozitive nga provat e vaksinave, drita në fund të tunelit po bëhet gjithnjë e më e shndritshme. Ekziston tashmë një shpresë që vaksinat, në bashkëpunim me masa të tjera të shëndetit publik, do të ndihmojnë t’i japin fund pandemisë.”
Soumya Swaminathan, krye-shkenctarja e Organizatës, tha se hulumtimi dhe zhvillimi i disa vaksianve të Covid-19 ka patur progres dhe synohet që më shumë vaksina të zhvillohen me inkuarjimin e Organizatës Botërore të Shëndetësisë.
“Është e mundur që të kemi disa vaksina të ndryshme që të përdoren kundër sëmundjes. Ne duam të ofrojmë akses tek sa më shumë vaksina efektive, në mënyrë që të mbulojmë popullsinë botërore. Mos harroni që duhet të mbulojmë një numër gjigant të njerëzve, në miliarda. Kjo është e jashtëzakonshme dhe na duhet i gjitha kapaciteti botëror i manifakturës.”
Vaksinat po kthehen në nevojë urgjente, ndërkohë që Organizata paralajmëroi javën e kaluar se më shumë raste janë raportuar në 4 javët e fundit se san ë 6 muajt e para të pandemisë.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.