OBSH në ndihmë të vendeve të varfëra: “’Dhuroni vaksina për ata që rrezikojnë më shumë’’

Botërore e Shëndetësisë ka bërë thirrje ndaj vendeve që të dhurojnë doza të vaksinave të miratuara ndaj COVID-19, për të ndihmuar në përmbushjen e synimeve të vaksinimit, ndaj atyre që rrezikojnë më shumë, në 20 vendet e varfra.

Drejtori i Përgjithshëm i OBSH-së Tedros Adhanom Ghebreyesus tha se struktura e vaksinave COVAX, e drejtuar me aleancën e vaksinave GAVI, kishte nevojë për 10 milion doza menjëherë për punonjësit e kujdesit shëndetësor dhe njerëzit e moshuar si një masë parandaluese ndaj shpërthimit të virusit.

Deri më tani COVAX ka shpërndarë 32 milion doza vaksinash në 61 vende, por 36 vende ende presin vaksinat për të filluar inokulimet, tha ai.

“Marrëveshjet dypalëshe, ndalimet e eksportit, nacionalizmi i vaksinave dhe diplomacia e vaksinave kanë shkaktuar shtrembërime në treg me pabarazi të mëdha në furnizim dhe kërkesë”, tha Tedros në një konferencë për mediat.

Kreu i OBSH, ka bërë thirrje që autoritetet të punojnë së bashku për të siguruar që vaksinimet e COVID-19 të fillojnë kudo në botë brenda 100 ditëve të para të 2021, ose deri më 10 Prill. I pyetur në lidhje me vendimin e Indisë për t’i bërë, një përparësi inokulimet e brendshme të COVID-19, Tedros tha se ishte “e kuptueshme” ndërsa infeksionet e vendit vijojnë të rriten, ndaj OBSH është në diskutime e sipër sa i takon bisedimeve për shpërndarjen e vaksinave.

India, prodhuesi më i madh i vaksinave në botë, ka deklaruar se do t’i bënte inokulimet vendase të COVID-19 një përparësi ndërsa infeksionet rriteshin dhe madje kishte bërë me dije lidhur me këtë vendim dhe blerësit ndërkombëtarë për vendimin e saj.

Ndihmës drejtori i përgjithshëm i OBSH-së, Simao, bëri me dije se vaksina AstraZeneca, vijon të rekomandohet për përdorim ndërsa studimet vazhdojnë të shqyrtojnë çdo lidhje të mundshme sa i takon efekteve anësore “shumë të rralla”, duke përfshirë këtu edhe mpiksjen e gjakut.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.