OBSH paralajmëron: Ndërsa rastet po rriten, Europa ndodhet në një ‘pikë kthese’ në pandeminë e COVID-19
Vendet europiane janë në një “pikë kthese” të pandemisë, tha drejtori rajonal i Organizatës Botërore të Shëndetësisë, ndërsa infeksionet rriten me shpejtësi dhe kërcënimi i një versioni të ri të mutuar të përhapjes së virusit po afrohet.
“Ne mbetemi në kthetrat e COVID-19 ndërsa rastet rriten në të gjithë Europën dhe ne trajtojmë sfida të reja të sjella nga varianti i ri i virusit. Ky moment përfaqëson një pikë kthese në rrjedhën e pandemisë,” tha Hans Kluge.
Varianti më i transmetueshëm është zbuluar tashmë në 22 vende në rajonin Europian të OBSH-së, tha ai, duke theksuar se vendet duhet të “intensifikojnë” masat për të parandaluar përhapjen e mëtejshme.
“Virusi po përmirësohet … ndaj edhe ne duhet ta bëjmë këtë,” tha Catherine Smallwood me programin e urgjencave të OBSH, duke shpjeguar se ulja e transmetimit duhet të jetë një përparësi për vendet.
Zyrtarët shëndetësorë gjithashtu presin që infeksionet mund të vazhdojnë të rriten pas pushimeve, me Kluge duke deklaruar se aktualisht ekziston një “pamje jo e plotë e situatës aktuale epidemiologjike” me testime më të ulta rreth Krishtlindjeve dhe Vitit të Ri. (Euronews)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.