OBT mbi rimëkëmbjen nga pandemia: “Aksesi tek vaksina është stimuli më i mirë ekonomik për vendet”
Organizata Botërore e Tregtisë deklaroi se stimujt më të mirë ekonomikë për vendet në botë është aksesi tek vaksina e koronavirusit, që duhet të shpërndahet në mënyrë më të drejtë dhe më gjithëpërfshirëse. Aftësia e ekonomisë botërore për t’u rimëkëmbur nga pandemia varet nga aksesi i barabartë tek vaksina e Covid, sipas drejtoreshës së përgjithshme të organiatës, Ngozi Okonjo-Iweala.
“Këtë vit presim një rritje me 8% të tregtisë, që do të bjerë në 4% në 2020-n. Kjo po ndodh në një mjedis të pasiguritë, ku shumë gjëra varen nga aksesi i vaksiës”- tha ajo, duke shtuar se nëse vazhdon pavarazia, nuk do të ketë rimëkëmbje. Sipas saj, stimujt më të mirë për të gjithë vendet është ofrimi i vaksinimit, por të paktën 70% e dozave të vaksinës janë monopolizuar nga 10 vende.
Drejtoresha e Organizatës Botërore të Tregtisë theksoi gjithashtu se një numër i madh i vendeve anëtare tek Organizata kanë diskutuar aspektet tregtare të heqjes dorë nga të drejta e Pronës Intelektuake (TRIPS) për vaksinën, që të ndihmojnë më shumë vende në zhvillim për të patur akses.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.