“Oceanix City”: Planet e Koresë së Jugut për të rikrijuar Venecian

Qyteti Busan, në Korenë e Jugut është duke e menduar seriozisht ndërtimin e një vendbanimi në oqean.

Sipas projektuesve ky qytet lundrues, i përbërë nga një seri platformash të ndërlidhura,do të ketë kapacitetin për të strehuar  10 mijë njerëz,duke u ofruar kështu një zgjidhje zonave bregdetare sa i përket kërcënimit që vjen nga rritja e nivelit të detit.

Projekti Oceanix, një bashkëpunim midis projektuesve, arkitektëve dhe inxhinierëve, zbuloi planet për një qytet “të mbrojtur nga përmbytjet” në 2019 – dhe organizatorët që atëherë kanë bërë kërkime për projektin . Muajin e kaluar, grupi nënshkroi një marrëveshje me Busan dhe UN-Habitat, agjencia e zhvillimit urban të Kombeve të Bashkuara, për të pritur lagjet e para lundruese në brigjet e Koresë së Jugut.

Të parafabrikuara,platformat e propozuara do të ngrihen dhe do të bien bashkë me detin. Secila nga lagjet prej pesë hektarësh është projektuar për të strehuar 300 njerëz në ndërtesa deri në shtatë kate të larta.

Sipas Bjarke Ingels Group (BIG), firma daneze e arkitekturës që udhëheq dizajnin, lagjet mund të grumbullohen rreth një porti qendror për të formuar fshatra më të mëdhenj me 1650 persona.

Lagjet do të projektohen me ferma komunale, objekte të rritjes së ushqimit akuaponik dhe kopshte, ndërsa fermat e ushqimeve të detit mund të vendosen në ujërat përreth.

Platformat e pabanuara ndërkohë mund të strehojnë turbina me erë  dhe panele diellore, ose të përdoren për të kultivuar bambu për ndërtimin e ndërtesave të reja.

Plani urban i propozuar i BIG përfshin gjithashtu prodhimin e ujit të ëmbël, me impiante trajtimi në vend dhe sisteme për mbledhjen dhe ruajtjen e ujit të shiut./CNN

Vjola Gremi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.