Ofertë 21 mld USD në farmaceutikë. Giliead do të blejë prodhuesin e ilaçeve të kancerit, Immunomedics
“Gilead”, prodhuesi i Remdesivir, do të blejë kompaninë e bioteknologjisë “Immunomedics” për 21 miliardë dollarë, një lëvizje që do të fuqizojë portofolin e kancerit duke fituar akses tek disa ilaçe premtuese. Marrëveshja i jep Giliead akses tek “Trodelvy”, ilaçit të trajtimit të kancerit të gjirit, që ka marrë miratim të shpejtë nga Administrata e Barnave dhe Ushqimeve (FDA) në muajin Prill.
Giliead bëri të ditur se do të japë një ofertë për të blerë të gjithë aksionet e Immunomedis për 88 dollarë secili, ç’ka përfaqëson një prim(shtesë) prej 108% nga çmimi i mbylljes së tregtisë së 11 Shtatorit në 42.2 dollarë aksioni. “Kjo blerje përfaqëson një progress të madh për gilead për të ndërtar një portofol të fortë onkologjik. Trodelvy është një mjekim i miratuar dhe transformues për një lloj të kancerit që është i vështirë për t’u trajtuar”,- tha Daniel O’Day, ekzekutivi i Gilead.
Marrëveshja tregon besim tek industria në qasjen për të bashkuar antibiotikë me agjentë toksikë për të luftuar kancerin. Trodelvy është një “bashkues i barnave dhe antitrupave”, një klasë e ilaçeve që përshkruhet nga shkencëtarët si raketë ndjekëse që drejtohe tek tumoret duke lëshuar citotoksina që kanë fuqi 10,000 herë më të madhe se kimioterapia standarde, ndërkohë që limiton dhe dëmin tek qelizat e shëndetshme. Oferta e Gilead do të financohet me 15 miliardë dollarë në para cash’ dhe rreth 6 milionë dollarë në borxh të ri, sipas kompanisë. Transaksioni pritet të mbyllet në tremujorin e katërt të këtij viti.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.