OKB diskuton për Kosovën – SHBA, Britania dhe disa europiane mbrojnë vendimin për ushtrinë
Shtetet e Bashkuara të Amerikës dhe Britania e Madhe, që janë edhe dy ushtritë më të mëdha të Natos, kanë dalë haptazi në mbrojtje të vendimit të Kosovës për krijimin e një force ushtarake. Vendet më të mëdha të bashkimit Europian ndërkohë kanë dalë po ashtu në mbrojtje të këtij vendimi, paçka se me disa rezerva sa i përket momentit të këtij vendimi, por edhe mënyrës.
Kështu, veç Britanisë, vendet e tjera të Bashkimit Europian, anëtare të Këshillit të Sigurimit të OKB-së, që i dhanë mbështetje Kosovës janë: Belgjika, Franca, Gjermania, Italia, Holanda, Polonia dhe Suedia.
Këto vende i bëjnë deklarojnë se kjo krijimi i ushtrisë është një e drejtë sovrane e Kosovës, por se duhet bërë me transparencë dhe gradualisht në 10 vitet e ardhshme. Kreu i paqeruajtësve të OKB-së, Jean Pierre Lacroix, nënvizoi qartë gjatë mbledhjes së jashtëzakonshme të Këshillit të Sigurimit se, veprimi i Kosovës ka përkeqësuar qartazi marrëdhëniet mes Prishtinës dhe Beogradit.
Sipas Serbisë, por edhe disa vendeve të tjera anëtare të Këshillit të Sigurisë në OKB, vendimi i qeverisë së Kosovës për të krijuar një forcë ushtarake është në kundërshtim me rezolutën 1244 që i dha fund luftës mes Kosovës dhe Serbisë. I ashpër ndaj ushtrisë së Kosovës ka qenë edhe kreu i OKB, Antonio Guterres. Sipas tij, vetëm KFOR e ka përgjegjësinë për të ruajtur dhe siguruar territorin e vendit.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.