OKB, thirrje për pandeminë – Guterres: Mposhtet vetëm në mënyrë të koordinuar!
Sekretari i Përgjithshëm i Organizatës së Kombeve të Bashkuara, Antonio Guterres, u bëri thirrje të gjithë vendeve që të punojnë në një mënyrë të koordinuar për të mposhtur Covid-19. Ai foli gjatë konferencës për shtyp të fundvitit, ku trajtoi defiçitet në qeverisjen e pandemisë dhe sistemin financiar ndërkobmëtar. Guterres tha se “Covid-19” nuk do të largohet dhe theksoi se bota nuk mund të mposhtë një pandemië në një mënyrë të pakoordinuar. Sekretari i Përgjithshëm theksoi se është e qartë që vetëm vaksinat nuk do të zhdukin pandeminë. Vaksinat po shmangin shtrimin në spital dhe vdekjet për shumicën që i marrin dhe po ngadalësojnë përhapjen.
Por rritja e transmetimit nuk po tregon shenja të dorëzimit. Kjo po nxitet nga pabarazia e vaksinave dhe ngurrimi për t’u imunizuar. Pak ditë nga afati, 98 vende nuk kanë mundur të arrijnë objektivat e fundvitit të caktuara nga Organizata Botërore e Shëndetësisë, për të vaksinuar 40% të popullsisë botërore, dhe nuk pritet të arrijnë objektivin për të vaksinuar 70% të njerëzve deri në mes të vitit 2022. Me normën aktuale, Afrika nuk e arrin 70%-shin deri në Gusht 2024. Guterres i bëri thirrje vendeve që të ndërmarrin hapa konkrete në ditët e ardhshme, për të bërë progres më të madh që të arrihen objektivat e OBSH.
Sekretari i përgjithshëm kritikoi gjithashtu përpjekjet e njëanshme të rimëkëmbjes, që po shtojnë pabarazitë dhe rrisin stresin tek ekonomtië dhe shoqeritë. Me inflacionin që është rritur në nivelin më të lartë në 40 vite në SHBA, Guterres tha se pret rritje të normave të interesit, duke ushtruar presione akoma më të mëdha fiskale për vendet që u duhet ndihmë. Ai shtoi se normat e dështimit të pagesave do të bëhen të pashmangshme për vendet me të ardhura tëulëta, që kanë kosto të larta të huamarrjes.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.