Omani me Sulltan të ri pas 50 vitesh! Është diplomuar në Oxford dhe njihet si “entuziast futbolli”
Sulltani i Omanit Qabus bin Said al Said është ndarë nga jeta në moshën 79 vjeçare. Kjo bëhet e ditur nga pallati mbretëror. Në vend të tij, detyrën e sulltanit e ka marrë kushëriri i Qabus, Haitham ben Tarek, ministër i trashëgimisë kulturore.
“Haitham ben Tarek është betuar si Sulltani i ri pas një mbledhje të familjes mbretërore që ka aprovuar zgjedhje” shkruhet në njoftimin e shpërndarë për mediat.
Qabus ka qeverisur vendin për thuajse 50 vitesh. Ai vuante prej kohësh nga një sëmundje e rëndë.
Haitham ben Tarek është diplomuar në Oxford. Ai ka qenë kreu i Federatëssë Futbollit në Oman dhe përshkruhet si një entuziast i futbollit. Ai ka mbajtur një serë detyrash mes të cilave si nënsekretar në Ministrinë e Jashtme. Ai përfaqëson zakonisht Omanin në marrëdhëniet diplomatike duke qenë figura qendrore në marrëdhëniet me jashtë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.