Omicron godet industrinë e mikpritjes – Pub-et në Britani, pranë falimentimit. Soho, “bosh” përpara Krishtlindjeve
Industria e mikpritjes në Britani po përballet me miliona anullime, prej rritjes së rasteve me Covid-19 në nivele rekord dhe shumë njerëz që po zgjedhin t’i qëndrojnë larg ambienteve ku mblidhen njerëz. Pas këshillave nga shefi mjekësor i Anglisë, Chriss Ëhitty që të bëhet kujdes, shumë konsumatorë po zgjedhin të mos socializohen përpara Krishtlindjeve, ndërkohë që infeksionet po rriten shpejtë. Krishtlindjet duhet të jenë piku i sezonit për baret, pabet dhe restorantet në Mbretërinë e Bashkuar, por këto po përballen me një krizë dhe rrezikojnë të falimentojnë, sipas Greg Mullholland, drejtorit të Fushatës për Pabet.
“Duke i thënë njerëzve që mos dilni, mos u socializoni, mos shkoni në pabe dhe mos hani vaktet tuaja jashtë, aktiviteti në pabe dhe restorante është bërë i shkretë dhe megjithatë, qeveritë nuk po ofrojnë mbështetje” – tha ai. Shoqata britanike e birave dhe pabeve bëri të ditur se ka patur 3 milionë porosi të anulluara vetëm në javën e dytë të Dhjetorit. Pabet në Soho të Londrës do ishin plot në fundjavën përpara Krishtlindjeve, por shumica janë në qetësi dhe disa kanë mbyllur dyert. Udhëzimet nga Qeveria për të limituar aktivitetet sociale dhe punuar nga shtëpia kanë shtyrë industrinë e mikpritjes drejt karantinës,sipas Nick Mackenzie, ekzkeutiv tek birraria Breene King, që shtoi se shitjet në pabet e tyre në disa pjesë të Londrës kanë rënë deri në 70% krahasuar me të njejtën periudhë në 2019. “Sam’s Riverside” , një restorant në brigjet e lumit Tamiz, ka raportuar gjithashtu telefonata nga klientë që anullonin vaktet festive. Pronari Sam Harrison tha se Krishtlindjet për restorantet janë gjenerim i parasë cash, ndërkohë që Dhjetori është muaji i vitit ku dyqanet mund të nxisin bilancin.
Ai shtoi se ajo që ka ndodhur në javën e kaluar ka qenë brutale. “Nëse mikpritja është problem, ata duhet të na mbyllin dhe të rikthejnë mbështetjen financiare, përndryshe, duhet të na lënë të tregtojmë si zakonisht” – tha Sam. Ai shtoi se ka shpenzuar para për të dekoruar ambientin e jashtëm, ndriçuar atë, dhe përgatitur mbulesa për klientët, që të jetë rehatshëm dhe ngrohtë. Industria e mikpritjes po shpreson të shohë më shumë njerëz t’i rikthehen socializimit gjatë festave. Pronarët po i bëjnë thirrje qeverisë që të ofrojë urgjentisht mbështetje të re financiare, por me masa të reja të kufizimeve në sfond, viti 2022 mund të khehet në një sfidë të ardhshme.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.