“Omicron mund të mposhtë Delta” – Ekspertët afrikanë: Ende shpejtë për të thënë. Rritja e rasteve e mbështet

Varianti Omicron i koronavirusit i zbuluar në Afrikën e Jugut, mund të jetë kandidati kryesor për të zëvendësuar variantin Delta, sipas institutit të sëmundjeve ngjitëse të Afrikës së Jugut.  Zbulimi i Omicron ka shkaktuar alarm botëror, me shumë shtete që kanë kufizuar udhëtimet me rajonin në Afrikë, ndërkohë që Organizata Botërore e Shëndetësisë ka thënë se mban rrezik më të lartë të infeksionit.

Shefi i institutit, Adrien Puren, tha se është shumë herët për të thënë nëse Omicron po zëvendëson Delta në Afrikën e Jugut, pasi shkencëtarët kanë prodhuar vetëm 87 sekuenca të variantit deri më tani, por fakti që rastet janë rritur shpejtë, përbëjnë një shenjë se zëvendësimi mund të ketë nisur. Anne von Gottberg, mikrobiologe klinike tek instituti, tha se duket se infeksionet po rriten përreth vendit.

Instituti i Sëmundjeve Ngjitëse në Afrikën e Jugut theksoi se po rritet numri i foshnjave nën 2-vjeç me Covid, por Von Gottberg paralajmëroi kundër lidhjes menjëherë së këtij trendi me Omicron. Puren tha se shkencëtarët duhet të dinë brenda 4 javëve se në çfarë përmase Omicron mund të shmang imunitetin e vaksinave apo atë natyror, dhe nëse sjellë simptoma më të këqija klinike se variantet e tjera.

Rrëfime nga mjekë në që kanë trajtuar pacientë me Covid në Afrikën e Jugut, tregojnë se Omicron shfaq simptoma më të lehta, përfshirë kollë të thatë, temperaturë dhe djersitje gjatë natës. Ekspertët kanë paralajmëruar kundër arritjes së përfundimeve të parakohshme.  Afrika e Jugut ka raportuar pranë 3 milionë infeksione me Covid-19 gjatë pandemisë dhe mbi 89,000 vdekje.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.