Omicron zbut shqetësimet përpara festave – Vaksinat, pilulat dhe të dhënat mbi ashpërsinë e ulët, ofrojnë pak shpresë
Omicron ka marrë vrull në rang botëror këtë Javë, me ekspertët e shëndetësisë që kanë paralajmëruar se lufta kundër variantit nuk do të përfundojë së shpejti, pavarësisht se 2 kompani bënë të ditur se vaksinat e tyre mbrojnë kundër varaintit dhe të dhënat tregojnë se ka rrezik më të ulët të shtrimit në spital. Infeksionet me koronavirus janë rritur kudo që varianti Omicron ka mbërritur, duke shkaktuar masa të reja të kufizimeve në shumë vende.
Megjithatë, në një shenjë shprese 2 ditë përpara Krishtlindjeve, Administrata e Barnave në SHBA, tregoi se të dy antiviralët e Merck dhe Pfizer, janë efektiv kundër Omicron. Ka patur shenja inkurajuese edhe mbi normën e shtrimeve në spitale, nga Britania dhe Afrikën e Jugut, pavarësisht se Agjencia kryesore e shëndetësisë në Afrikë, i’u bashkua OBSH, duke paralajmëruar se është shumë herët për të arritur në përfundim. “Le të jemi të kujdesshëm duke mos arritur menjëherë në përfundim me atë që po shohim në Afrikën e Jugut, kontinent, apo në botë”- deklaroi Qendrë për Kontrollin dhe Parandalimin e Sëmundjeve në Afrikë.
Në SHBA, analistët thonë se pavarësisht se Omicron ka nisur të lë gjurmë në pjesë të ekonomisë, nuk ka gjasa të parandalohet rritja e dytë vjetore sipër trendit. I identifikuar për herë të parë në Afrikë dhe Hong Kong, Omicron po bëhet varianti mbizotërues në pjesën më të madhe të Europës. Franca regjistroi ditën me rastet më të mëdha në 24 orët e fundit, me nbi 91,000 infeksione të regjistruara, ndërsa Gjermania raportoi vdekjen e parë nga Omicron. Në Itali, vendin e parë perëndimor që u godit nga pandemia në vitin e kaluar, të gjithë festimet e natës së Vitit të Ri u ndaluan, ndërsa Greqia pezulloi të gjithë festat e Krishtlindjeve.
Të dy vendet bënë gjithashtu të detyrueshme vendosjen e maskave. Rritja e shtrimeve në spitale dhe vdekjeve në Afrikë dhe Britani që kur u shfaq Omicron, duket se ka qenë e ulët. Hulumtuesit në Edunburgh që gjurmuan 22,205 pacientë me Omicron, bënë të ditur se numri që duhej të shtroheshin në spital ishte 68% më i ulët se sa prisnin, krahasuar dhe me normën tek pacientët me Delta. Hulumtuesit tek Kolegji mbretëror i Londrës raportuan një rënie me 40-45% të rrezikut të shtrimit në spital.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.