Operacionet “Anti – Skifter” – Shkatërrohet banda kriminale e shqiptarëve në Francë
Goditet dhe shkatërrohet grupi i strukturuar kriminal në fushën e vjedhjeve të banesave dhe lokaleve në Francë. Operacioni u zhvillua paralelisht në Francë dhe në Shqipëri. Tetë persona janë arrestuar, nga të cilët 5 në Francë dhe 3 në Shqipëri.
Operacioni i koduar “AKUILA 2019” u zhvillua mes Prokurorisë së Krimeve të Rënda, Policisë Franceze, organeve të drejtësisë franceze në bashkëpunim me Europolin.
Pas marrjes nën hetim dhe arrestimit të tyre, të tre personat e ndaluar në Shqipëri, me vendim të Gjykatës së krimeve të Rënda të Tiranës u lanë me masë sigurie “burg pa afat”.
Ky operacion nuk është i pari, pasi janë zhvilluar edhe dy operacione të tjera me organet ligj-zbatuese të Francës dhe Task-Forcës “Anti-Skifter”.
Jenida Vladi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.