Operacionet e TikTok në SHBA. Kina preferon t’i mbyllë se sa t’i shesë në mënyrë të detyruar
Pekini kundërshton shitjen e detyruar të TikTok nga zotëruesi kinez ByteFance dhe do të preferonte mbylljen aplikacionit në SHBA, sipas burimeve për Reuters. ByteDance ka zhvilluar bisedime për të shitur operacionet e TikTok në SHBA ndaj blerësve të mundshëm përfshrië Microsoft dhe Oracle, që kur presidenti Donald Trump kërcënoi muajin e kaluar ndalimin e shërbimeve të kompanisë.
Trump i ka dhënë ByteDance një afat-kohor deri në mes të Shtatorit për të përfunduar marrëveshjen. Megjithatë, zyrtarët kinezë mendojnë se shitja e detyruar do të bëjnë që ByteDance dhe Kina të shfaqen të dobëta përballë presionit nga Washingtoni, sipas burimeve. Ndërsa pyetej këtë fundjavë mbi Trump dhe TikTok, zëdhënësi i Ministrisë së Jashtme në kinë, Zhao Lijian, tha se Shtetet e Bashkuara po abuzojnë me konceptin e sigurisë kombëtare dhe i bëri thirrje që të ndalojnë presionet ndaj kompanive të huaja.
Reuters ka raportuar se blerësit e mundshëm të TikTok po diskutojnë 4 mënyra për të strukturuar transaksionin nga ByteDance. Brenda këtyre, ByteDance mund të vazhdojë me shitjen e aktiveve të TikTok në SHBA pa miratim nga ministria e tregtisë në Kinë, duke i shitur ato pa algoritmet kyçe të aplikacionit. ByteDance gjendet përballë përplasjes së 2 superfuqive botërore.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.