Operacioni “Forca e Ligjit”, 4 kërkesa në Kukës për vërtetimin e pasurisë
Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve 4 shtetasve në Kukës.
Referuar njoftimit zyrtar, kërkesat u janë nisur Xh. A., banues në Kukës, i dënuar për veprën penale “Vjedhja me armë”, B. A., banues në Kukës, i dënuar për veprën penale “Vjedhja me armë”, Z. V., banues në Kukës, i dënuar për veprën penale “Vjedhja me dhunë” si dhe B. H., banues në Kukës, i dënuar për veprën penale “Rrëmbimi ose mbajtja peng e personit”.
Sipas Policisë, këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
OFL deklaron se është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.