Operonin në kushte të rënda higjieno-sanitare – AKU mbyll restorantet në Palasë e Klos
Vijojnë aksionet e Autoritetit Kombëtar të Ushqimit në subjektet tregtare në të gjithë vendin për rritjen e sigurisë dhe standardeve ushqimore. Gjatë kontrollit të fundit, Autoriteti ka evidentuar 2 restorante të cilët kryenin veprimtari në kundërshtim me standardet e sigurisë ushqimore dhe në kushte të rënda higjieno-sanitare.
Trupa inspektuese e DRAKU Dibër konstatoi se ambientet e subjektit ‘V.K’ në Klos ishin me myk, lagështi dhe mjetet e punës në kuzhinë të amortizuara. Ndërsa, restoranti në Palasë të Vlorës operonte në kushte të rënda higjieno-sanitare si dhe njëkohësisht rezultonte i paregjistruar në QKB.
AKU ka gjobitur të dy subjektet me 1 300 000 lekë si dhe ka vendosur masën për bllokim të menjëhershëm të aktiviteteve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.