Opinion/ Pse ristrukturimi do ta bëjë më të mirë Deutsche Bank?
Një nga institucionet më të mëdha financiare në Evropë, Deutsche Bank AG, më në fund duket gati të bëjë atë që sektori bankar në të gjithë rajonin duhet të bëjë: të heqë qafe pasuritë e këqija dhe të rrisë kapacitetet e veta për të absorbuar humbjet.
Nëse plani funksionon, banka do të jetë një hap më shumë drejt drejtimit të duhur. Thënë kjo, autoritetet evropiane duhet të jenë të gatshme për të ndërhyrë, nëse plani i Deutsche Bank nuk funksionon.
Drejtori ekzekutiv Christian Sewing ka lajmëruar riorganizimin më ambicioz të bankës ndonjëherë, duke eliminuar rreth 18,000 vende pune dhe duke braktisur kryesisht përpjekjet e gjigantit gjerman për të konkurruar me bankat e investimeve të SHBA, veçanërisht në tregtinë e aksioneve. Deutsche Bank e re, nëse gjithçka shkon mirë, do të jetë shumë më e fokusuar në rritjen e biznesit të klientëve të korporatave.
Nuk ka dyshim se ky vendim vjen me dhimbje të mëdha. Jetët e shumë njerëzve u përkeqësuan këtë javë. Megjithatë, ky plan është shumë më premtues sesa ai që Sewing kishte konsideruar më parë: bashkimin e Deutsche me konkurrencën e ndërlikuar Commerzbank AG. Kjo do të kishte krijuar një njësi më të madhe me probleme potencialisht më të mëdha.
Plani i ri përmirëson sigurinë sistemike në dy mënyra. Së pari, do ta zvogëlojë bilancin e Deutsche Bank me më shumë se 200 miliardë euro, një gjë e mirë, duke pasur parasysh se Evropa ende është e mbingarkuar dhe ka nevojë të rishpërndajë kapacitetin e saj bankar për të pasqyruar më mirë kërkesën.
Së dyti, plani do të ndihmojë Deutsche Bank të trajtojë më mirë krizat e ardhshme. Deri në vitin 2022, banka synon të ketë rreth 5 euro në kapitalin absorbues të humbjeve për çdo 100 euro në kapitalin aktiv, një raport avantazhi prej 5%, nga 3.9% që ishte në fund të marsit. Kjo do ta shndërrojë bankën, deri tani të nënkapitalizuar, në një nyje më të fortë në sistemin financiar evropian.
Sigurisht, ky raport i ri i avantazheve financiare nuk llogarit rrezikshmërinë e biznesit të Deutsche, i cili (sipas standardeve rregullatore) do të rritet. Gjithsesi, një raport prej 5%, duke supozuar se banka mund ta arrijë atë , do të vazhdonte të ishte shumë larg asaj që do të nevojitej për të përballuar një krizë vërtetë të rëndë.
Këtu hyjnë në lojë autoritetet evropiane. Ata kanë qenë të ngadalshëm në detyrimin e bankave për të zhvilluar plane realiste të krizës dhe për të para-angazhuar burimet financiare të nevojshme për të mbyllur institucionet e mëdha me dëmtim minimal të kolaterialit. Dhe qeveritë e Evropës, të etur për të ndërtuar dhe mbështetur kompanitë kombëtare, shpesh kanë lejuar llojin e mbingarkesës që dëmtonte shanset e Deutsche. Në të ardhmen, rregullatorët duhet të jenë më pak falës dhe më të paduruar, në mënyrë që sistemi financiar i Evropës të përgatitet më mirë për krizën e ardhshme.
Burimi: Bloomberg
DOSTI BANUSHI – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.