Opozita, “Kuvend” në Elbasan, Basha: Krimi po rrezikon ekonominë dhe po mban larg investimet
Opozita e bashkuar ka bojkotuar sallën e parlamentit për të zhvilluar mbledhjen e saj në qytetin e Elbasanit. Gjatë kohës që në sallën e parlamentit mazhoranca diskutonte për aktin normative te buxhetit 2018, opozita e përqendroi mbledhjen e saj tek lufta kundër krimit.
Kryetari i Partisë Demokratike Lulzim Basha gjatë fjalës së tij u shpreh se krimi i organizuar nuk është vetëm çështje rendi dhe sigurie por edhe ekonomie. Sipas Bashës veprat infrastrukturore të nisura e për të cilat janë dhënë parat nuk kanë përfunduar, ndërkohë që investitorët e huaj po qëndrojnë larg Shqipërisë.
Ndërkohë që opozita ka shpaluar katër objektivat e platformës për çlirimin e qeverisë nga krimi. Sipas Bashës duhet që të bëhet: dekriminalizimi përmes vetingut për politikanët e lidhur me krimin.
Të çlirohet drejtësia nga kapja politike, të realizohen zgjedhje të lira e të ndershme, si dhe të çlirohet ekonomia nga monopolet, oligarkët dhe korrupsioni.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.