Opozita njofton nisjen e aksionit të mosbindjes civile, Basha: Qytetarët të refuzojnë pagesën e taksave (VIDEO)
Opozita paralajmëron një përshkallëzim të qendrimit të saj. Kreu i Partisë Demokratike Lulzim Basha paralajmëroi se duke nisur nga mbrëmja e sotme do të nisë një aksion mosbindje civile që parashikon refuzimin e pagesës së taksave e tarifave të reja.
“Kemi shteruar në këto vite të gjithë hapësirën institucionale opozitare. Mosbindja qytetare nis që këtë javë. Me refuzimin jo vetëm të taksës së rrugës së Kombit po çdo takse tjetër që ka rritur Edi Rama dhe me të gjitha hapat format e mënyrat e mosbindjes qytetarë si forma më e lartë kundër një klike që ka zaptuar pushtetin dhe po zbraz Shqipërinë. Nuk mund ta pranojmë. Është një vendim unanim i opozitës. Që sonte nis. Duke nisur me mospagesën e taksave të rritura” tha ndër të tjera Basha.
Në përgjigje të interesimit të gazetarëve lidhur me mundësinë e bojkotit të parlamentit, kreu i PD-së tha se “ne do të ndërthurim të gjitha format e nevojshme të aktivitetit qytetar siç e gjykojmë, për të arritur qëllimin, me të gjitha format e mënyrat”.
Në vijim të komunikimit, Basha tha se “kur flasim për mosbindje civile e mospagim taksash, flasim për t’u bërë thirrje çdo qytetari që të refuzojë çdo taksë koncesionare dhe çdo rritje taksë, TVSH-në e biznesit të vogël, taksat e rritura të uijit dhe çdo taksë të rritur nga Rama”
Pas mbledhjes së opozites se bashkuar.
Posted by Lulzim Basha on Monday, April 2, 2018
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.