Opozita përgatitet për Brexit – Laburistët do të votojnë për mundësinë e një referendumi të dytë
Partia Laburiste e Britanisë do të votojë këtë javë për të zhvilluar një tjetër referendum për Brexit, nëse Kryeministrja Theresa May dështon të kalojë planin e saj në Parlament.
Lideri i opozitës, Jeremy Corbyn, tha se mbështet një tjetër referendum nëse partia e tij voton për të ndjekur këtë lëvizje, duke sjellë presione për kryeministren, që ka ngecur në negociata me Bashkimin Europian.
Pas një takimi të gjatë mes anëtarëve, partia Laburiste vendosi se do të votojë ndaj një propozimi, që sipas BBC përfshin zhvillimin e një fushate për një votim publik, nëse nuk arrihet një zgjedhje e përgjithshme. Britania pritet të dalë nga Bashkimi Europian në muajin Mars të vitit që vjen.
Megjithatë, shumë pak çështje janë zgjidhur, ndërkohë që planet e Theresa May u refuzuan ashpër nga Brukseli javën e kaluar.
Ndërkohë që flitet për zgjedhje të tjera dhe shanset e daljes nga Europa në mënyrë të ç’rregullt që do të dëmtonte ekonominë, opozita ndodhet nën presion që të krijojë axhendën e vet për Brexit.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.