“Opozita, premtime qesharake” – Nga Gjirokastra, Kryeministri Rama ironizon programin social-ekonomik të PD

Gjatë një bashkëbisedimi me qytetarë në Gjirokastër, kryeministri Edi Rama ka ironizuar sërish programin social-ekonomik të Partisë Demokratike. I pyetur për rritjen e pensioneve, premtuar nga Basha në programin ekonomik të PD, Kryeministri përsëriti shembullin se kësaj i thonë se “do të ulet prodhimi i qumështit, dhe të rritet prodhimi i djathit”.

 “PD mund të rris pensionet sa hap e mbyll sytë, madje të ul sigurimet dhe të rris pensionet. Duke ulur prodhimin e qumështit, duke rritur prodhimin e djathit. Ka një formulë se si mund  të ndodhi kjo. Ai që të jepet për djathë, në fakt është sapun. Kush ta marri ta marri, kush ta hajë ta hajë, Po e hëngri shumica, ‘fiton Shqipëria’. Ne e kemi rritur listën e barnave të rimbursueshme. As këtë dhe as atë që themi s’dua që të jenë si tema fushatë, pasi nuk jemi në fushatë. Atë do ta bëjmë se jemi para popullit në funksion të zgjedhjeve”, tha Rama.

I pyetur nga një mjeke e re nga Tirana e cila ishte transferuar në Gjirokastër me punë, nëse do t’ju mundësohet një bonus qiraje, kreu i ekzekutivit thumboi programin e PD-së.

“Sot ju merrni vetëm pagën, si mjekë që janë këtu vendas. Pasi 3 vite do të punoni atje ku ka nevojë atdheu. kjo është ideja, pasi është investim që e keni bërë ju dhe familja, por dhe nga shteti. Është fuqizim moral i figurës së mjekut në momentin kur del në front. S’di të jap një përgjigje tani për këtë. Pasi programi i partisë demokratike mund ta akomodojë këtë. Mund të ketë dhe bonus për të shkuar në masazh, në fizioterapi private, pishina, SPAH, që do të ndërtohet sipas programit.”, tha Rama.

Gjatë fjalës së tij, Rama deklaroi se këto ditë do të shpallet fituesi i garës ndërkombëtare për ndërtimin e aeroportit të Vlorës.

Arbër Hitaj / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.