Opozita, sërish në protestë/Betimi i deputetëve, Basha: Nuk njohim asnjë vendim të kuvendit

Opozita do të protestojë sërish ditën e martë përballë parlamentit, në një kohë kur do të zhvillohet dhe seanca e radhës plenare.

Pas një takimi të zhvilluar me aleatët, kreu i PD, Lulzim Basha, ftoi qytetarët t’i bashkohen protestës në orën 10, kundër një parlamenti ilegjitim.

Një ditë para betimit në parlament të 4 deputetëve të rinj nga radhët e LSI, të cilëve KQZ ka vendosur t’i jap mandatin e deputetit, Basha u shpreh se opozita nuk do të njohë asnjë vendim të këtij parlamenti, që sipas tij është i paligjshëm.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.