Optimizëm për Kalin e Qyqes në Ballkan. Publikohen të dhënat e reja nga Qendra për ruajtjen dhe mbrojtjen e mjedisit natyror

Qendra për ruajtjen dhe mbrojtjen e mjedisit natyror në Shqipëri ka njoftuar se pas vëzhgimeve të gjata situata mbetet optimiste për popullsinë e Kalit të Qyqes në rajonin e Ballkanit.

Kjo lloj shkabe e cilësuar si specie në rrezik zhduke sipas raportit të publikuar nga Qendra, pas vëzhgimeve të gjata në terren për mbledhjen e të dhënave ka dalë në këto përfundime:

“Në Shqipëri vazhdojnë të mbeten 9-të territore të zënë, sikurse, në tre vitet e mëparshme. 6 territore janë të zënë nga çifte dhe 3 nga individë të vetmuar. Edhe pse një numër i njëjtë territoresh, fatkeqësisht është vënë re humbje e një territori të vjetër si dhe njëkohësisht, fatmirësisht, është raportuar rasti i një territori të ri, çfarë ka bërë që numri i territoreve të zënë të qëndrojë i njëjtë me vitet e kaluara. Në nivel Ballkani u monitorua një rritje me 9% në numrin e çifteve, 2 prej të cilave u identifikuan në Bullgari, 1 në Shqipëri dhe 1 tjetër në Greqi. Fatkeqësisht, dhe numri i individëve të çelur e të aftë për të fluturuar ishte më i ulët se vitin e kaluar.”

Më tej, Qendra raporton edhe shkqet kryesore që pengojnë në zhvillimin e kësaj specie ku ndër shkaqet kryesore përmendet helmimi, , elektroshoku, përplasja me infrastrukturën energjitike dhe shqetësimi gjatë sezonit të foljezimit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.