“Orange” do shmangë “kinezët” në rrjetet 5G / Përdor Nokia dhe Ericsson në BE. Por do të ruajë lidhjen me Huawei në Afrikë

Orange, firma më e madhe e telekomunikacioni në Francë, do të shmangë përdorimin e pajisjeve nga shitësit kinezë kur të zhvillojë rrjetet 5G në Europë, duke synuar furnitor si Ericsson dhe Nokia.  Megjithatë, kompania nuk sheh ndonjë problem në bashkëpunimin me Huawei në Afrikë, ku firma kineze mbizotëron si furnitor i pajisjeve ndaj shumë operatorëve të telekomunikacionit.  “Po punojmë gjithnjë e më shumë me shitës kinez, jo për shkak se pëlqejmë kinën, por prej marrëdhënies së shkëlqyer të biznesit me Huawei”- tha ekzekutivi Stephane Richard, në Kongresi Botëror të Telekominkacionit (MWC) në Barcelonë.  “Ata kanë investuar në Afrikë ndërkohë që shitësit Europianë kanë nguruar”- shtoi ai. Qeveritë europiane kanë ashpërsuar kontrollet ndaj kompanive kineze që ndërtojnë rrjetet 5G, pas presioneve diplomatike nga Washingtoni, që dyshon se pajisjet e Huawei mund të përdoren nga Pekini për spiunim.

Huawei ka mohuar vazhdimisht rrezikun mbi sigurinë kombëtare që dyshet se shkakton. Disa vende si Britania dhe Suedia, kanë ndaluar shitësit kinez menjëherë, ndërsa të tjerë, kanë inkurajuar operatorët e telekomunikacionit që të përpiqen të zgjedhin furnitorë europianë.   Ericson dhe Nokia kanë marrë në mënyrë të qëndrueshme pjesë tregu nga Huawei dhe në fund të vitit të kaluar, njësia belge e Orange, vendosi të zëvendësojë progresivisht pajisjet e Huawei me Nokia.   Ekzekutivi i Orange tregoi gjithashtu gatishmëri për të përdorur pajisje nga gjiganti korean, Samsung, që e përshkroi si një alternativë ndaj debatit “Kina kundër Europës”.   Samsung nënshkroi Vodafone si klientin e parë europian më herët gjatë muajit, ndërsa përpiqet të hyjë në një treg ku mbizotërohet nga Nokia, Ericsson dhe Huaëei.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.